Mbrojtësi spanjoll i Barcelonës, Gerard Pike është në radarin e klubeve të mëdha të kampionatit italian, Serie A, Juventusit dhe Interit.
Marrëveshja e Pikes është e vlefshme deri në vitin 2019, edhe pse ka një ndjenjë brenda Barcelonës se ky mund të jetë sezoni i tij i fundit me klubin katalunas.
Mbrojtësi spanjoll tashmë ka njoftuar se do të tërhiqet nga futbolli ndërkombëtar me Spanjën pas Botërorit “Rusi2018”.
Por ai gjithashtu mund të vendosë për qëndrimin ose jo të tij me Barcelonën.
Sipas mediave spanjolle dhe italiane, Juventusi dhe Interi po shikojnë situatën e Pikes këtë sezon.
Në rast se ai vendos të largohet nga “Camp Nou” atëherë dy gjigantët italianë do të provojnë transferimin e tij duke dërguar oferta në drejtim të Barçës. /tesheshi.com/
