Dega evropiane e Coca-Cola-s njoftoi të hënën, më 27 janar, se ka nisur tërheqjen e produkteve të saj nga tregu për shkak të zbulimit të niveleve të larta të klorit në disa pije.
Tërheqja përfshin marka të njohura si Coca-Cola, Sprite, Fanta dhe të tjera, dhe ka të bëjë me kanaçe dhe shishe qelqi të shpërndara në disa vende evropiane. Kjo thirrje prek produktet që janë të disponueshme në treg në Belgjikë, Holandë, Mbretërinë e Bashkuar, Gjermani, Francë dhe Luksemburg që nga nëntori i vitit të kaluar.
Coca-Cola Europacific Partners nga Belgjika konfirmuan informacionin, por theksuan se aktualisht nuk kanë të dhëna të sakta për sasitë e produkteve që përmbajnë këto substanca të rrezikshme.
Kompania, megjithatë, theksoi se vendosi të tërheqë produktet për të shmangur çdo rrezik të mundshëm për konsumatorët. Coca-Cola shtoi se gjatë kontrolleve standarde në procesin e prodhimit, ata zbuluan nivele të larta të këtij kimikati, prandaj tërheqja u bë e nevojshme.
Tërheqja e produktit vjen në një kohë kur kompania po përpiqet të ruajë standarde të larta sigurie dhe cilësie për produktet e saj. /tesheshi.com/
