Pas 18 vitesh, Vlora do e ketë sërish shkollën e saj të Aviacionit, themeluar në kohën e komunizmit e zhbërë në atë të kapitalizmit alla shqiptar, duke i vënë kazmën çdo gjëje të së kaluarës veç hidrocentraleve të asaj epoke.
Sipas kryeministrit Rama, do jetë një akademi rajonale që do të përgatisë pilotë ushtarakë e civilë dhe kontrollor ajrorë të huaj e shqiptarë, një investim i shqiptare.
Pikënisje është marrëveshja mes kompanisë shqiptare të prodhimit të armëve KAYO, me kompaninë ndërkombëtare të teknologjisë ushtarake Elbit Systems Ltd, e cila është me bazë në Izrael.
E themeluar në vitin 1966, Elbit Systems është ofruesi kryesor i pajisjeve tokësore të ushtrisë izraelite dhe mjeteve ajrore pa pilot, me fabrika në mbarë botën dhe u shet produktet e saj ushtarake vendeve të ndryshme.
Ndërsa KAYO sh.a është kompania shqiptare e armëve e themeluar një vit më parë, për prodhimin dhe tregtimin e armëve, municioneve, pajisjeve dhe teknologjive ushtarake. Në krye të saj është ish-drejtuesi i Policisë së Shtetit, Ardi Veliu.
Kujtojmë se pak vite më para, Rama do promovonte idenë e një akademie barinjsh, një lloj shkolle që do nxirrte çobenër të kualifikuar për të ruajtur e kullotur bagëtinë, por siç janë treguesit, po firojnë si bagëtia e si çobenjtë. /tesheshi.com/
