Dy krerët më të lartë të Grëqisë, përkatësisht Presidenti Pavlopulos dhe Kryeministri Tsipras kanë pritur Kryepeshkopin e Kishës Ortodokse të Shqipërisë, Anastas Janullatos. Ndërkaq një përfaqësues i rëndësishëm i kishës ortodokse greke ka rritur dozën nacionaliste ndaj Shqipërisë.
Në kulmin e tendosjes së marrëdhënieve ndërmjet Tiranës dhe Athinës, kryepeshkopi i Kishës Ortodokse Shqiptare, Anastas Janullatosit ndodhet në një vizitë në Greqi.
Siç njoftojnë mediat greke, Janullatos është takuar si me Presidentin e greqisë, Pavlopulos ashtu edhe me Kryeministrin në detyrë Aleksis Tsipras . Në këto takime, zyrtarisht bëhet e ditur se nuk është diskutuar në lidhje me të ashtuquajturin incident diplomatic të kishës së Dhërmiut, por për një mision që kryepeshkopi Janullatos do të ndërmarrë për të ndihmuar emigrantët që kanë mbërritur në Greqi nga Lindja e Mesme.
Ndërkaq, qarqe greke bëjnë të ditur se si në takimin me Pavlopolos ashtu dhe me Tsipras është biseduar çështja e përplasjeve me Tiranën. Kryeministri grek Tsipras, ka deklaruar në takimin me Janullatos se qeveria greke “ndjek me interes veprimtarinë e kryepeshkopit Janullatos në të gjitha fushat, si në fushën e arsimit, ashtu dhe në atë humanitare.
Por nga ana tjetër Mitropoliti i Dropullit Pogonit dhe Konicës, Andrea Konitsis, gjatë një deklarate për mediat tha se qëllimi i ngjarjes së Dhërmitu është largimi i grekëve të Epirit të Veriut nga vatrat e tyre shekullore.
/tesheshi.com/
