LSI do të votojë kundër Gramoz Ruçit si kryetar i Kuvendit dhe po kështu ndaj qeverisë “Rama2”. Vendimi është bërë publik nga kreu i grupit parlamentar të kësaj partie, Petrit Vasili, sipas të cilit 19 ligjvënësit e LSI-së, nuk mund të mbështesin një mazhorancë që nuk e kanë votuar 80 % e shqiptarëve.
Kuvendi do të mblidhet nesër në orën 10:00 dhe më pas në një tjetër seancë në orën 18:00. Gjatë seancave të njëpasnjëshme pritet të zgjidhen organet drejtuese të Kuvendit, kryetari dhe nënkryetarët, si dhe të votohet kabineti qeveritar. PS zotëron në Kuvend 74 mandate, të mjaftueshme për të zgjedhur Gramoz Ruçin si kryeparlamentar dhe për të miratuar kabinetin e ri qeveritar. /tesheshi.com/
