Steve Jobs ka ndryshuar botën nëpërmjet teknologjisë së tij dhe në të njëjtën kohë ka ndërtuar një perandori, por ai nuk donte që fëmijët e tij të përdorin iPod, iPad dhe iPhone.
Në shtëpinë e tij ai nuk donte që ta rrethonte familjen me instrumente teknologjike, ndërsa shprehej se fëmijët duhej të qëndronin larg përdorimit të funksioneve dhe karakteristikave që ai dhe kolegët e tij kishin hedhur në treg.
“Nuk i njohin. Duhet të limitojmë përdorimin e teknologjisë brenda shtëpisë nga ana e fëmijëve tanë”,- thoshte në një intervistë për New York Times në vitin 2010, administratori i deleguar dhe themeluesi i Apple, pas lançimit të iPadit të parë.
Ishte një thirrje mbrojtëse që ai ia komunikonte edhe të tjerëve. Chris Anderson, ish drejtuesi i revistës Wired dhe bashkëthemelues i Robotica 3D, deklaroi: “I njoh rreziqet e teknologjisë, i kam përjetuar në lëkurë dhe nuk dua që të ndodhë e njëjta gjë edhe me fëmijët e m’i”.
E njëjta gjë ka ndodhur edhe me Evan Williams, themeluesi i Twitter dhe bashkëshorten e tij, Sara williams, të cilët i kanë rrethuar fëmijët e tyre me libra dhe jo me teknologji. Gjithçka varet nga mosha: është e nevojshme që të mos krijojmë varësi dhe që si të rriturit, edhe fëmijët të dinë më parë limitet e përdorimit të teknologjisë. /tesheshi.com/
