Në ditët e sotme, mjekët marrin vizita nga pacientë të lodhur, të dehidratuar, ‘e keqja’ e së cilëve vjen si pasojë e mospirjes së ujit natyral në masën e duhur
Gjatë një kërkimi, ku janë përfshirë 300 mjekë britanikë, është vënë re se një pacient në 5, çdo dit ë shfaq simptoma të lidhura ngushtë me pamjaftueshmërinë e nivelit të hidratimit.
“Ditë pas dite shikoj shumë persona në klinikën time, të cilët ankohen se nsihen të lodhur”,- ka thënë specialisti Roger Henderson, nga NHC (Natural Hydration Council).
“Shumë prej tyre nuk pinë mjaftueshëm lëngje dhe kujtohen se janë dehidratuar vetëm kur kanë etje. Ka dhe shumë simptoma të tjera të dehidratimit, mes së cilave është edhe lodhja, dhimbja e kokës apo mungesa e përqendrimit”,- shton ai.
Sipas rezultateve të sistemit sanitar britanik, një femër e rritur duhet të pijë çdo ditë të paktën 1.6 litra ujë, ndërsa meshkujt deri në 2 litra. Kjo sasi është ekuivalente me 8-10 gota unë, të cilat mund ti konsumojmë lehtësisht në përditshmëri, përfshirë edhe çajin.
Por, përfitimet e ujit mineral nuk përfundojnë këtu.
“Kur trupi nis të jetë mjaftueshëm i hidratuar, efektet janë befasuese. Njerëzit nisin të ndihen shumë më mirë, si fizikisht dhe psikologjikisht”,- siguron eksperti.
Nëse mendoni se të pish kaq litra ujë në ditë është e pamundur për ju, atëherë mund të fusni në dietën tuaj fruta e perime që përmbajnë sasi të mëdha uji, siç janë kastravecat, bostani etj, ose prijini ato në copa dhe vendosini në ujin që pini, në mënyrë që të duken si limonatë. /tesheshi.com/
