Ndoshta nuk e dinit, por nëse ecni në mënyrë ritmike për të paktën 25 minuta çdo ditë, mund të zgjasni jetën tuaj deri në 7 vite. Nëse kryeni në mënyrë të rregullt aktivitet fizik mund të përgjysmoni rrezikun e vdekjes si pasojë e një ataku në zemër. Ky është përfundimi i një grup studiuesish nga Saarland University në Gjermani, të cilët kanë prezantuar studimin e tyre në European Society of Cardiology (Esc) Congress
Kërkimi ka testuar një grup prej 69 personash të shëndetshëm, të cilët nuk janë konsumues të duhanit, nga mosha 30 deri në 60 vjeç dhe që nuk kanë kryer ushtrime fizike në mënyrë të rregullt në jetën e tyre. Analizat e gjakut gjatë muajve të ushtrimeve aerobike me intensitet të lartë kanë treguar aktivizimin e një procesi anti-plakje dhe riparimi të ADN-së së tyre.
Sipas shkencëtarëve, nuk jemi në gjendje asnjëherë të shmangim në mënyrë totale plakjen, por është e mundur që ta shtyjmë dhe ta vonojmë atë sa më shumë të jetë e mundur. Rezultatet e studimit treguan se me ushtrim fizik mund të fitojmë nga 3 në 7 vite jetë më shumë.
Në veçanti, personat që nisin të ushtrohen në moshën 70 vjeçare kanë më pak probabilitet të zhvillojnë në trupin e tyre fibrilime atriale, një lloj alternimi i ritmit të zemrës që prek rreth 10% të personave mbi 80 vjeç./tesheshi.com./
