Një tërmet i lehtë, prej 3.4 ballësh goditi dje Korenë e Veriut, pranë qendrës ku Pheniani zhvillon zakonisht prova bërthamore.
Fqinjët e koreanoveriorëve thanë se tërmeti ishte natyror dhe nuk ishte shkaktuar nga një shpërthim bërthamor.
Megjithatë, Instituti amerikan i Gjeologjisë tha se nuk mund të konfirmonte në se aktiviteti sizmik ishte shkaktuar nga njerëzit, apo nga natyra.
Pas tronditjeve të së shtunës, avionë luftarakë amerikanë shoqëruan bombardues të tipit B-1B në hapësirën ajrore ndërkombëtare, shumë pranë Koresë së Veriut.
Pentagoni tha se patrullimet ajrore ishin një “demonstrim për të shprehur vendosmërinë e Shteteve të Bashkuara dhe një mesazh i qartë se Presidenti Donald Trump ka opsione të shumta ushtarake për të përballuar me sukses çdo lloj këcënimi”, nga programi bërthamor i Koresë së Veriut. /tesheshi.com/
