Zëvendëspresidentja e Shteteve të Bashkuara, Kamala Harris, njëherësh kadidate për presidente, tashmnë në qendër të lajmeve pikërisht për arsyen e fundit, përjashtoi me vendosmëri vendosjen e një embargoje të armëve amerikane ndaj Izraelit, ndërsa vendi vazhdon të zhvillojë një luftë shkatërruese në Rripin e Gazës të rrethuar, raportoi Anadolia.
“Unë jam i paekuivok dhe i palëkundur në angazhimin tim ndaj mbrojtjes së Izraelit dhe aftësisë së tij për të mbrojtur veten dhe kjo nuk do të ndryshojë,” tha Harris gjatë intervistës së saj të parë që kur u bë kandidatja demokrate për presidente të SHBA.
E pyetur nëse ajo do të mbështeste një ndryshim në politikën amerikane që do të ndikonte në ndihmën ushtarake, Harris tha prerazi: “Jo.”
Ajo pranoi se “shumë palestinezë të pafajshëm janë vrarë”, me sa duket duke iu referuar numrit të njerëzve të vrarë në Gaza që i kalonte 40,600, ndër të cilët numri më i madh ishin gra dhe fëmijë.
Gati 2.3 milionë banorë të Rripit të Gazës janë të zhvendosur brenda vendit.
Lufta duhet të përfundojë
“Duhet të arrijmë një marrëveshje. Kjo luftë duhet të përfundojë dhe ne duhet të arrijmë një marrëveshje për lirimin e pengjeve. Një marrëveshje nuk është vetëm gjëja e duhur për t’i dhënë fund kësaj lufte, por do të zhbllokojë shumë nga ajo që duhet të ndodhë më pas,” tha Harris.
Pra, kjo grua që synon të bëhet presidente e SHBA-së, nëse ndodh, e para femër nmë krye të supërfuqisë së botës, nuk aspak vend për shpresë se mund të ndodhë diçka ndryshe në politikën amerikane në përkrahjen pa kushte të Izraelit, qartazi një shtet gjenocidal.
Në këtë këndëvështrim, kujtojmë se Izraeli po përballet me akuza për gjenocid para Gjykatës Ndërkombëtare të Drejtësisë. /tesheshi.com/
