Ish-ministri i Brendshëm Fatmir Xhafaj la të kuptuar se skema “Babale” kishte për autorësi dhe Ilir Metën. Përballë Sokol Ballës në Real Story, Xhafaj akuzoi Metën për goditje ndaj tij, “nën brez”, siç tha ai.
“Mendoj se ai ka qenë i përfshirë në disa goditje nën brez që i është bërë familjes time. Le t’ja lëmë kohës, por kështu besoj”, tha Xhafaj, që më pas, pyetjes së Ballës nëse e pjesë e “Babales” kanë qenë të dy, pra Basha dhe Meta, iu përgjigj: “Besoj se po. Fenomeni ‘Luli’ është interesant”.
Nga ana tjetër, Xhafaj mohoi të kishte fërkime me kryeministrin Rama.
“Kemi pasur një marrëdhënie pune shumë të afërt me zotin Rama deri ditën që kam qenë ministër të brendshëm. U largova nga detyra e ministrit me vullnetin tim të lirë. kam bërë një deklaratë publike.
Unë jam këtu tani, kemi filluar betejën për mandatin e tretë. Në këto dy vjet marrëdhëniet tona kanë qenë marrëdhënie midis kryetarit të partisë, kryeministrit dhe një deputeti të PS.
Midis meje dhe zotit Rama ka shumë gjëra që na bashkojnë si pjesë të PS ka dhe gjëra që në moment të caktuara na kanë ndarë. Me zotin Rama kam pasur debate në 2009, 2017, 2019 lidhur me listën e kandidatëve të PS, për emrat, për mënyrën se si mund të trajtoheshin. Është normale”, theksoi ish-ministri Xhafaj. /tesheshi.com/
