Kryeministri Rama u ka kujtuar ambasadorëve shqiptarë nëpër botë se duhet të bëjnë më shumë për të ftuar diasporën që të investojë në atdheun e tyre.
27 pas bindjes kolektive shprehur dhe në këngë – mbaju nëno mos kij frikë se ke djemtë në Amerikë…- se do ishte diaspora ajo që do e ndihte ekonomisht Shqipërinë, gjë që nuk ndodhi ashtu sicc mendohej, Rama u ka kujtuar diplomatëve se ka ardhur koha që kjo të ndodhë.
“Ka një rritje të interesit për investimet në turizëm dhe në energji. Do të ketë një plan konkret për të zhvilluar marrëdhënien edhe me Diasporën. Është e rëndësishme që në funksion të kësaj qasje të re për ta vendosur shërbimin e jashtëm në dispozicion të investimeve. Ne kemi edhe një zv/ ministër për të ndërvepruar me ambasadorët dhe me kompanitë për të bërë të mundur që ne të marrim shumë më tepër dhe të anashkalojmë shumë burokraci dhe vështirësi në komunikim nga vendet ku operoni çdo ditë në ministri apo institucionet e tjera”, tha Rama duke folur në konferencën për ridimensionimin e diplomacisë ekonomike.
Sipas tij, qeveria ka një plan konkret për diasporën duke e e vlerësuar atë si një burim të pashfrytëzuar për kapacitet intelektuale por edhe ekonomike që mbartte. /tesheshni.com/
