Raportohet që sekretari amerikan i Shtetit, John Kerry, të ketë përdorur fjalët “në dashtë Allahu” në lidhje me një marrëveshje të mundshme bërthamore me Iranin.
Kryenegociatori amerikan në bisedimet me Iranin përdori fjalën “inshallah”, një term në arabisht me kuptimin “në dashtë Allahu”, kur u pyet nga një student iranian mbi të ardhmen e bisedimeve, raportoi ditën e djeshme agjencia e lajmeve IRN, duke cituar reporteren e Al-Monitor-it, Laura Rozen.
Shtetet e Bashkuara, Britania, Franca, Gjermania, Rusia dhe Kina po përpiqen prej një jave të tejkalojnë një ngecje në bisedimet, për të arritur në një marrëveshje me Iranin.
Mospajtimet mbi ritmet e heqjes së sanksioneve dhe mbi kërkimin e pasurimit rrezikojnë të bëhen një pengesë serioze për arritjen e një marrëveshjeje mes Iranit dhe Perëndimit pas 12 viteve përplasje për ambiciet bërthamore të Teheranit. /tesheshi.com/
