Ilir Meta: Shqipëria me Serbinë duhet t’i intensifikojnë raportet

Edhe kreu i Kuvendit shqiptar, Ilir Meta, përcolli frymën e një ere të re në raportet Shqipëri – Serbi. Prezent në forumin “Shqipëria dhe Serbia drejt një së ardhmeje të përbashkët në BE”, organizuar nga Instituti Shqiptar i Studimeve Ndërkombëtare, së bashku me institutin homolog në Serbi, Meta tha se që prej rënis së Milosheviçit, nisur një fazë e re e marrëdhënieve mes Shqipërisë dhe Serbisë.

“Që nga momenti kur Millosheviçi u largua dhe Serbia nisi një fazë të re, kur po bëhen gati 16 vite, nuk jemi aty ku duhet të ishim sepse jemi ende peng të viteve të së kaluarës, të sjelljeve tipike që janë pasojë e luftës së ftohtë. Dhe mendoj që për dy vendet që e kanë realisht sot objektiv integrimin evropian, dinamika e kësaj marrëdhënie duhet të ishte shumë më e fortë, shumë më e qëndrueshme”, deklaroi Meta.

Kreu i LSI-së ëshët ndër ata politikanë shqiptarë që më shumti e ka vizituar Beogradin përgjatë këtyre viteve. /tesheshi.com/