Një adoleshente egjiptiane ka zbuluar një mënyrë aspak të kushtueshme për të kthyer mbetjet plastike në karburant, prej së cilës mund të fitojë dhjetëra milionë dollarë në vit.
Ideja e Azza Faiad tërhoqi vëmendjen e Egyptian Petroleum Research Institute. Instituti i dha akses adoleshentes në një laborator për të bërë kërkimet e saj, në mënyrë që të përmirësonte formulën e krijimit të karburantit nga plastika.
Faiad ka zbuluar një katalizator të lirë të quajtur aluminisilicate që në mënyrë drastike redukton koston e konvertimit të mbeturinave plastike në gazra si metani dhe propan, të cilat mund të shndërrohen në etanol, të cilin shumë shkencëtarë e quajnë edhe “biokarburant”.
Gjatë këtij procesi çlirohen edhe kimimkate të tjera, të cilat mund të riciklohen dhe të shiten. Egjipti prodhon një milion ton mbetje plastike çdo vit dhe sipas shkencëtarëve, shpikja e Faiad mund të sjellë mbi 78 milion dollarë të ardhura çdo vit.
Vetë vajza beson se Egjipti mund të nxjerrë një total prej 163 milionë dollarësh çdo vit nga riciklimi i mbetjeve plastike.
Komiteti i Bashkimit Europian për Shkencëtarët e Rinj e ka nderuar Faiad me një çmim për punën e saj dhe ajo tani është duke punuar për krijimin e një patente për procesin e kthimit të plastikës në karburant./tesheshi.com/
