Duel në distancë ndërmjet Hashim Thaçit dhe Ivica Daçiç në mbledhjen e Këshillit të Sigurimit të OKB-së.
“Daçiçi ka lindur në Kosovë dhe unë i kam ofruar atij të marrë pasaportën e Kosovës. Por Daçiç nuk ka treguar se të parët e tij erdhën si kolonizues ndërmjet dy luftërave në Kosovë”.
Për grafitet e shkruara në manastirin Deçanit Thaçi tha se ato i ka shkruar shërbimi sekret serb. Anëtarësimi i Kosovës në UNESCO është një temë me të cilën Serbia nuk pajtohet, por ministri i Jashtëm Thaçi kujtoi se disa shtete në botë janë bërë anëtare të UNESCO-s pa qenë anëtare të OKB-së.
“Objektet e trashëgimisë kulturore janë më sigurta tani se sa gjatë 1000 vjetëve të shkuara. Kishat ortodokse serbe ruhen nga Polica e Kosovës”, tha Thaçi, duke shtuar se “lufta në Kosovë nuk ka qenë luftë fetare, por luftë të cilën e ka nisur Serbia, njësoj siç e ka nisur edhe luftën me Kroacinë dhe Bosnjën”.
Ministri i Jashtëm i Kosovës foli edhe për angazhimin e Kosovës në luftën kundër estremizmit islamik, ndërsa i kujtoi Serbisë se në Kosovë gjatë luftës janë shkatërruar 300 objekte fetare, janë vrarë 15 mijë njerëz dhe mbi 1 milion shqiptarë janë dëbuar nga vendi. “As ushtria, as policia, as administrata serbe kurrë më nuk do të kthehen në Kosovë”, tha ndër të tjera Thaçi.
Nërkaq, ministri i Punëve të Jashtme të Serbisë, Ivica Daçiç, ka folur edhe për anëtarësimin e Kosovës në UNESCO. Ai, ka ripërsëritur kundërshtimin e tij kundër këtij anëtarësimi dhe tha se këtë se lejon as rezoluta 1244.
“Një numër të rasteve i kam theksuar për konstruktivitetin e udhëheqjes së Serbisë. Ne jemi duke u ballafaquar me kërkesën e Prishtinës për tu kyçur në organizatat ndërkombëtare që janë të papranueshme për Serbinë. Në UNESCO, e cila sipas rezolutës 1244 nuk mund të merret si shtet dhe nuk mund të njihet nga ajo organizatë”, tha Daçiç.
/tesheshi.com/
