Ka nisur një jetë të re falë jogës. 40 vjeçari Jared Mollenkopf nga Salt Lake City peshonte 233 kilogramë. Ai hante mbeturina dhe kalonte 8 orë në ditë i ulur në një karrige. Ishte dobësuar dhe e kishte ndarë mendjen të ishte i shëndoshë deri në fund të jetës së tij.
Më pas ndodhi e papritura. Vendosi të ndryshojë gjithçka në jetën e tij dhe që e ardhmja të ishte ndryshe, ndaj vendosi të shkruajë vetë fatin e tij, për pjesën tjetër të jetës. “Kam qenë i shëndoshë gjatë gjithë jetës. Çdo ditë që zgjohesha në mëngjes peshohesha dhe vija re se isha më i rëndë se nj ditë më parë. Nëse nuk do të kisha vepruar në moment, do të vijoja të shëndoshesha. Kuptova se kisha nevojë të bëja një ndryshim radikal në jetën time”,- rrëfen 40-vjeçari, i cili ka filmuar historinë e tij. Një pjesë të madhe të dobësimit ai ia kushton jogës dhe fitnesit në mënyrë të vazhdueshme. Brenda 15 muajsh me sakrificë dhe me shpresë, arriti që transformimi të ishte i plotë dhe i dukshëm lehtësisht.
Jared humbi mbi 130 kilogramë nga pesha e tij trupore dhe tashmë është një njeri i ri. Në video shihen dukshëm përmirësimet, veçanërisht në aftësinë e kryerjes së ushtrimeve të jogës dhe streçingut. Një ndryshim që e shtyu 40-vjeçarin të lëshojë një mesazh për të gjithë ata që ashtu si edhe ai, vuajnë nga obeziteti: “Hapni sytë para se të jetë shumë vonë”./tesheshi.com/
