Milicia Houthi e Jemenit ka lëshuar një tjetër raketë balistike në drejtim të kryeqytetit saudit Riad, por siç dhe në dy herët e tjera, nuk ka arritur të godasë asnjë objektiv pasi është eliminuar nga sistemi mbrojtjes Patriot që disponion Arabia Saudite. Shënjestër kësaj radhe ka qenë vetë Pallati Mbretëror Al-Yamamah. Ndërsa në dy herët e tjera është tentuar të goditet Meka e shenjtë si dhe aeroporti i Riadit.
Është vërtetuar se raketat janë prodhim iranian, gjë që konfirmon faktin se mbështetës i milicisë Houthi është pikërisht regjimi i Teheranit me të cilin Riadi ka raporte të acaruara. Siç dihet, një koalicion anti-terror i udhëhequr nga Arabia Saudite, lufton kundër houthinjve në Jemen.
“Ky akt agresiv dhe i egër nga militantët Houthi është një provë tjetër e përfshirjes së regjimit iranian në mbështetjen dhe furnizimin e këtij grupi terrorist me armë, që përbën një sfidë të qartë dhe shkelje të Rezolutës 2216 dhe 2231 të Këshillit të Sigurimit të OKB-së, duke paraqitur një kërcënim për sigurinë e Mbretërisë, si dhe rajonin e më gjerë”, zëdhënësi i koalicionit, kolonel Turki Al-Maliki, pas sulmit të së martës. /tesheshi.com/
