Drejtësia belge ka shënuar një rast ekstrem pasi grua 90-vjeçare është dënuar me 16 muaj burg për evasion fiskal me akuzën për fshehje të tatimit.
Ndodhi kjo në një gjykatë të Gent-it ku bashkë me plakën u dënua po ashtu dhe i biri, po për të njëjtën akuzë.
Sipas vendimit gjyqësor, kjo shtetase belge nuk ka mundur t’u dëshmojë inspektorëve tatimorë prejardhjen e një shumë prej 12.3 milionë euro.
Gjashtë muajt e parë, e dënuara do t’i kalojë në burg, ndërsa pjesën e mbetur në burg shtëpiak, por që krahas kësaj do të duhet të paguajë një gjobë prej 600 mijë euro.
Ndërsa i biri i saj është dënuar me tetë muaj burg dhe me një gjobë prej 240 mijë euro.
Ky rast ngjan me prirjen e qeverisë “Rama” për të futur në burg shkelësit në disa drejtime, ku janë shënuar dhe raste esktreme, sidomos te energjia elektrike. /tesheshi.com/
