Për herë të parë, kryeministri Rama ka ftuar në Podcast-in e tij një kundërshtar jo të lehtë politik, Mark Markun, gjithsesi jo politikan.
Ky i fundit, në një diskutim të gjatë mes tyre, e pyeti kinse sfidueshëm: “Do të shfaqesh pas një viti në zgjedhje, trë mandate, me të mirat e të këqijat e tij. Në një qeverisje të gjatë disa probleme themelore rëndojnë, korrupsioni, emigracioni i gjeneratave të reja. Çfarë do t’u thuash shqiptarëve për mandatin e katërt? Kështu jemi mirë e vazhdojmë kështu? Apo do u thuash do bëjmë çfarë s’kemi bërë?”
Përgjigja e Ramës qe tipike e sofizmit të tij politik:
“Është e vërtetë që kemi probleme, pasi do ishte e kotë t’i mohonim, por ne i kemi dhënë këtij vendi një mundësi që nuk e ka pasur më pare: një drejtësi që vepron e pavarur nga pushteti politik.
Nga ana tjetër lufta me korrupsionin nuk është thjesht lufta e drejtësisë, por një luftë për të pasur në të gjithë frontin e institucioneve, një solidaritet dhe kapacitet që ia kushton hapësirat për ta luftuar…”, tha mërzitshëm Rama, pasi dhe pyetja kinse sfiduese e Markut ishte pa befasi, pothuajse e konsumuar.
Megjithatë, ka patur një moment për t’u veçuar biseda mes tyre: një ndjesë nga Rama.
“Si fillim dua të kërkoj ndjesë për një arsye që nuk më bën krenar. Ndjesë se në një moment të barrikadimeve gjatë fushatës së fundit, në mos gabohem ishe kandidat në Lezhë, dhe unë në mitingun e Lezhës ta thoja emrin Mark Marku, por me një fjalë ironie që nuk më bën krenar sot”. /tesheshi.com/
