Një incident u regjistrua këtë të premte në ambientet e “Hotel Tirana International”, ku disa pjesëtarë të së ashtëquajturës shoqëri civile, por me profil mediatik, nuk u lejuan që të hyjnë në një dëgjesë publike për stadiumin e ri, atë që do të quhet “Arena Kombëtare”, dhe që zëvëndëson pra “Qemal Stafën” tradicionale. 
Bëhet fjalë për emra si Fatos Lubonja, Gjergj Bojaxhi, Andi Bushati etj., të cilët kanë dashur të jenë present në paraqitjen e projektit, me të cilin nuk janë dakort, më së shumti për shkak të një kulle, por dhe për aspekte të tjera.
Rama e ka mbrojtur dhe njëheherë projektit, duke ofruar shembuj se si kullat kanë qenë e janë prezente nëpër stadiume të njohura në botë, por gjithashtu ka mbrojtur dhe mënyrën e financimit, që sipas tij do jetë me skemën e njohur të partneritetit publik-privat.
Ky zhvillim vjen pas atij të këndit të lojrave tek parku i liqenit artificial, kundërshtimi i së cilës nga shoqëria civile, u shndërrua dhe në betejë politike të opozitës ndaj kryebashkiakut Veliaj. /tesheshi.com/
