Policia greke arrestoi 27 persona, mes tyre edhe me shtetësi shqiptare, që dyshohet se kanë organizuar një sërë grabitjesh në vendin fqinj.
Banda përbëhej nga shqiptarë, bullgarë, gjeorgjianë, greke dhe nga Bangladeshi.
Media greke nuk bën me dije ende emrat e grabitësve, por saktëson se zonat ku hajdutët godisnin më së shumti, ishin metrotë dhe aeroportet.
Efektivët e policisë kanë deklaruar se në kërkim janë shpallur edhe 18 persona të tjerë. Në bazë të hetimeve, banda kryente deri në 15 grabitje në ditë.
Paratë dhe sendet e vjedhura vinin drejt Shqipërisë me autobus për t’u shitur. Policia vijon ende hetimet. /tesheshi.com/
