Goja e shthurrur e serbit Arnautoviç ndaj një shqiptari, vjen dënimi nga UEFA  

UEFA ka pezulluar vetëm për një ndeshje sulmuesin e kombëtares austriake, Marko Arnautoviç, për “fyerjen e një lojtari tjetër”.

Arnautoviç kështu do të humbasë ndeshjen kundër Hollandës në raundin e dytë të Grupit C të Kampionatit Evropian.

UEFA dënoi sulmuesin austriak me rrënjë serbe për “sjellje të keqe”, jo për fyerje raciste, për të cilën ai do të kërcënohej me një dënim prej dhjetë ndeshjesh, që do t’i jepte fund EURO-s për të.

UEFA ka hapur një hetim për atë që ndodhi pas festimit të golit të Arnautoviç në fitoren e Austrisë ndaj Maqedonisë së Veriut (3: 1).

Sulmuesi i klubit kinez Shanghai Port shënoi golin me një seri mallkimesh vulgare drejtuar lojtarit të Maqedonisë Veriore, shqiptarit Ezgjan Alioski (Azgan Aliu).

Shoqata e Futbollit e Maqedonisë Veriore denoncoi Arnautoviç në UEFA, duke kërkuar një ndëshkim rigoroz, ndërsa lojtari i kombëtares austriake kërkoi falje pas ndeshjes. /tesheshi.com/