Ka qenë shpërthyes qëndrimi i Ilir Metës sot nga Skrapari pikërisht në vulgun e kërkesës së përditshme të opozitës për largimin e tij dhe vizitës së Edi Ramës në SHBA.
Nga vendlindja e tij, ku LSI-ja ka bastionin më të palëvizshëm, Meta ka deklaruar se ishte mjaft i çuditur që Basha nuk kërkon dorëheqjen e Edi Ramës por të tijën. Dhe këtë Meta e ka përshkallëzuar duke nënkuptuar në të ardhmen një qeveri të ndryshme, ku Rama dhe Basha do të jenë në opozitë.
Edhe pse e thënë në kuadrin e ironie, ajo është më shumë se tymuese për opinionin publik. Është një sulm politik me goditje të shënjestruar në dy vende.
“Është i vetmi kryetar opozite, i cili në vend që të kërkojë dorëheqjen e Kryeministrit, siç kërkohet në përgjithësi nga kryetarët e opozitës në të gjithë Europën dhe botën, kërkon vetëm dorëheqjen e Kryetarit të Kuvendit.
Pak më vonë të jeni të bindur që do dëgjoni çudi të mëdha për akuzat e tij ndaj qeverisë ‘kriminale’ Meta-Meta dhe për shtypjen dhe terrorin e saj ndaj opozitës së pafajshme Basha-Rama”, deklaroi Meta.
Kryetari i Kuvendit paralajmëroi një vizitë të tijën në SHBA, pikërisht ditën kur Kryeministri Rama ndodhet në Nju Jork, në punimet e Asamblesë së Përgjithshme të OKB-së. Duke i bërë karshillëk këtij turi, kreu i Kuvendit tha: “mos u shqetësoni se do të jem së shpejti (në SHBA), pas tre javësh, dhe do të kemi mundësi të komunikojmë edhe me ju edhe nga Uashingtoni për të gjitha çështjet. Meta nuk specifikoi llojin dhe axhendën e vizitës, por sërish ka goditur PS-në kur tha se “Asnjë kandidat i propozuar nga LSI në zgjedhjet vendore nuk ka pasur asnjë problem, që të krijonte edhe shqetësimin më të vogël për ndërkombëtarët”.
Deklarata e sotme ka paralajmëruar një furtunë të madhe që sipas të gjitha gjasave nuk do të kursejë asnjë…
/tesheshi.com/
