Gjykata e Lartë zbardh më në fund argumentet për lirimn të ish-guvernatorit të Bankës së Shqipërisë, Ardian Fullani.
Kjo gjykatë dha vendimin për heqjen e masës së sigurisë “arrest shtëpie” për Fullanin, duke i dhënë de fakto lirinë. Dhe sipas argumentave të gjykatës, Fullani nuk paraqet rrezikshmëri shoqërore – ky si argument juridik; ndërsa i ka shtuar dhe një argument social, sipas së cilës Fullani mbahet si njeri i respektuar në shoqëri.
Ja teksti: “Masa e sigurimit “arrest shtëpie”, e dhënë nga gjykata e Apelit, është e papërshtatshme, pasi nuk i përgjigjet rrezikshmërisë së personit nën hetim, Ardian Fullani, i cili jo vetëm që është një individ i respektuar në komunitetin ku jeton, ku për një përiudhë dhjetëvjeçare ka drejtuar institucionin më të lartë financiar në vend, Bankën e Shqipërisë, por gjithashtu nuk paraqet ndonjë rrezikshmëri të lartë shoqërore, apo të përbëjë ndonjë rrezik të mundshëm për pengimin dhe prishjen e procesit hetimor në ngarkim të tij, ashtu siç pretendohet nga ana a organit të akuzës”. /tesheshi.com/
