Në verë është gjithnjë më i madh rreziku që këmbët të mbajnë erë, pavarësisht përdorimit të këpucëve të hapura, djersitja e shkakton atë, ndonëse materiali i këpucëve është i mirë. Por faji nuk është vetëm i djersitjes, por edhe i baktereve që akumulohen në këmbë dhe shpesh ushqehen në qelizat e vdekura të lëkurës duke shkaktuar erën e keqe. Më poshtë gjeni 10 mënyra për të pasur gjithmonë këmbë të freskëta:
–Bëni kujdes me larjen – Larja e shpeshtë e këmbëve është e rëndësishme sidomos në verë për të zhdukur djersën. Këshillohet që t’i mbani në ujë të ftohtë për dhjetë minuta dhe më tej thajini mirë, në mënyrë që të zhdukni lagështinë dhe të mos krijoni kushte për zhvillimin e baktereve.
-Masazh me vajra aromatikë. Një herë në javë bëjuni këmbëve trajtim me ujë dhe vajra aromatik. Një zgjidhje edhe më e thjeshtë është duke i masazhuar në ujë me uthull molle. Në këtë mënyrë do i parfumosni në mënyrë natyrale këmbët dhe do të zhdukni kërpudhat dhe mikrobet.
-Hiqni lëkurën e vdekur. Kjo gjë shfaqet kryesisht në thembra dhe duke i fërkuar me një gur për këmbët apo limë, do garantoni një pastërti më të madhe për to.
-Bëni skrub (skrab) për këmbët. Një herë në javë në mënyrë që të zhdukni qelizat e vdekura bëni skrub. Për përgatitjen e tij mund të përzieni vaj ulliri me kripë dhe disa pika mente. Këtë masë aplikojeni në këmbë, mbajeni për 20 minuta dhe më tej shkërmoqeni me dorë.
–Niseshteja. Pas dushit masazhojini këmbët sidomos mes gishtave me niseshte. Është një mënyrë shumë e mirë për të luftuar djersitjen dhe aromën e rëndë.
-Çorapet. Nëse jeni të detyruar të vishni gjithmonë këpucë të mbyllura, përdorni gjithmonë çorape të pastra dhe me material pambuku.
-Para se të vishni këpucët lyejeni shollën me sodë buke, në mënyrë që të luftoni aromën e keqe.
–Mos përdorni deodorant për këmbët, pasi nëse ato mbajnë erë mund ta përkeqësoni situatën.
-Nëse aroma e rëndë nuk zhduket nga këpucët tuaja, provoni të fusni brenda dy copa dru pishe ose peme limoni.
–Shollat – Për të thithur djersitjen mund të fusni brenda çorapeve sholla tejet të holla, të cilat janë mjaft efikase./tesheshi.com/
