Paralel me mizoritë, Izraeli ndjek dhe linjën e gënjeshtrave të ndyra, spekullimeve të paskrupullta, siç është në AND-në e këtij shteti, siç është nën AND-në e atyre që e krijuan dhe e drejtojnë atë.
Kështu, vijon të jetë në narrativën e tyre përdhunimi apo vrasja e foshnjave nga ana e Hamasit me 7 tetor. Asgjë prej tyre nuk ka ndodhur, e provuar qartazi si një gënjeshtër, megjithatë, edhe me ison e disa mediave ndërkombëtare, ata vijojnë me refrenin e tyre të ndyrë, siç janë në shpirt e karakter.
Së fundi, kanë sajuar në çantë luksoze në duart e bashkëshortes së të ndjerit Jahja Sinwar, ish-kreut të Hamasit vrarë së fundi.
Duke publikuar një foto të saj në një prej tuneleve nën Gaza, diçka fort e diskutueshmë për vërtetësinë, Izraeli, me gjuhën e tij mashtruese, pretendon se ajo mban në dorë një çantë të shtrenjtë, duke ushqyer tezën se elita e Hamasit bën jetë luksoze teksa populli i Gazës vuan.
Pretendohet se e veja e ish-liderit të fundit të Hamasit mban një çantë nga Hermes Birkin, që vlerësohet të jetë 30,000 euro. Fotoja thuhet se i përket 6 tetorit 2023, pra disa orë para se Hamasi të sumonte Izraelin, shkruan Times of Israel.
Është sëdhënësi i Forcave të Mbrojtjes izraelite Avichay Adraee që shkroi në X (ish-Twitter):
“Ndërsa banorët e Gazës nuk kanë para për ushqim, ne shohim dashurinë e Yahya Sinëar dhe gruas së tij për luks”.
Dhe media të tjera, jo izraelite por që mbështesin Izraelin, si Bild-i gjerman, shkruajnë se “fakt është se pjesa më e madhe e popullsisë në rripin bregdetar të Gazës prej vitesh jeton në varfëri ekstreme, ku paratë që qeveritë dhe organizatat e ndryshme të huaja mbështesin nuk arrijnë kurrë te qytetarët”.
Më tej, kjo media e njohur gjermane, e paskrupullt gjithashtu, shkruan se “ish-lideri i Hamasit, Ismail Haniyeh, jetonte në luks në Katar. Dhe Sinwar thuhet se është pasuruar shumë”.
Kështu, drama e të padrejtëve nuk është vetëm fundi i tyre i ditur, i vërtetuar nga historia, është dhe dhe ajo se vjen një moment e bëhen qesharakë, para se Zoti të marrë hak mbi ta për të gjithë mizoritë e kryera në këtë botë. /tesheshi.com/
