Federata e Gazetarëve Afrikanë (FAJ) ka dënuar ato që i quan përpjekjet e Emirateve të Bashkuara Arabe për të “manipuluar” gazetarët afrikanë për të raportuar kundër Kupës së Botës FIFA 2022 në Katar.
Në një rezolutë të miratuar në Akra, FAJ shprehu “zemërim” për përpjekjet e Emirateve për “manipulimin e organizatave gazetareske në Afrikë për të botuar deklarata dhe fushatë kundër Botërorit në Katar”.
Rezoluta i bën thirrje Shoqatës Ndërkombëtare të Futbollit (FIFA) dhe Konfederatës së Futbollit Afrikan (CAF) për të ndëshkuar përgjegjësit.
Presidenti i FAJ Sadiq Ibrahim Ahmed tha se të paktën tetë shoqata të gazetarëve afrikanë kishin marrë një telefonatë nga njerëz që besohet se ishin të lidhur me zyrtarë të lartë të Emirateve të Bashkuara Arabe, duke i bërë presion për të mbajtur konferenca shtypi që të flasin kundër Katarit, si dhe për të inkurajuar ekipet kombëtare të Afrikës për të bojkotuar turneun.
Kontaktet u bënë brenda tre muajve të fundit, dhe i fundit ndodhi dy javë më parë.
Këto ishin kërkesa politike me pretekstin e “shkeljes së të drejtave të punëtorëve në Katar”.
“FAJ dhe anëtarët e saj nuk duhet të lejojnë që gazetarët afrikanë të përdoren si njerëz të lirë që mund të manipulohen për qëllime politike,” tha Ahmed.
“Ne nuk jemi të interesuar në mosmarrëveshjet politike në Gji. Detyra jonë kryesore është të mbrojmë gazetarët dhe interesat e tyre, si dhe lirinë e medias,” shtoi ai.
Në rezolutë, FAJ vuri në dukje “përparimin e pakrahasueshëm” që Katari ka bërë në përmirësimin e të drejtave të punëtorëve.
Që kur iu dha organizimi i Botëtorit në 2010, Katari ka qenë shënjestra e kritikave për trajtimin e punëtorëve migrantë dhe situatën e të drejtave të njeriut.
Media raportoi në mars se 6,500 punëtorë nga India, Pakistani, Bangladeshi, Nepali dhe Sri Lanka kishin vdekur deri më tani në Katar, ndërsa Doha u përgjigj se “shkalla e vdekjes midis atyre komuniteteve është brenda kufijve për madhësinë dhe demografinë e popullsisë”.
Ka pasur gjithashtu shumë kritika nga grupet e të drejtave të njeriut dhe futbollistët për kushtet e punës në Katar, veçanërisht në verë, kur temperaturat shpesh tejkalojnë 40 gradë Celsius, abuzimi i pagave të punëtorëve dhe mosrespektimi i të drejtave të punëtorëve migrantë.
Përfundimi i bllokadës së Katarit
Qeveria e Katarit tha se kishte kryer disa reforma në vitet e fundit në lidhje me kushtet e punës dhe të drejtat e punëtorëve.
Katari është vendi i parë në Lindjen e Mesme që pret garën më të madhe në botë të futbollit, duke filluar në nëntor të vitit të ardhshëm.
Emiratet e Bashkuara Arabe, Arabia Saudite dhe Bahreini, së bashku me Egjiptin, ndërprenë lidhjet ekonomike dhe diplomatike me Katarin në Qershor 2017 dhe vendosën një bllokadë tokësore, ajrore dhe detare mbi të.
Një marrëveshje u arrit në janar për t’i dhënë fund mosmarrëveshjes, por diplomatët dhe burimet në rajon thonë se Arabia Saudite dhe Egjipti po punojnë më shpejt për të rindërtuar lidhjet me Katarin sesa Bahreini dhe Emiratet e Bashkuara Arabe. /tesheshi.com/
