Ato që shikoni në fotografinë e mësipëme janë duar të sapo lara. Mirëpo, siç mund ta vini re, diçka nuk ka shkuar siç duket. Pastërtia nuk është realizuar për shkak se në këto duar ka ende mikrobe.
Në 5 maj ishte dita botërore e Pastrimit të Duarve, një ditë e shënuar e cila u shoqërua me një takim mes përfaqësuesve të Organizatës Botërore të Shëndetit, për të treguar dhe mësuar se si duhen larë duart, si para ngrënies edhe pasi keni shkuar në tualet, në mënyrë që mikrobet të largohen tërësisht nga ju.
Bëhet fjalë për diçka e cila mund të duket edhe si qesharake, por në të vërtetë është shumë e rëndësishme, pasi në mjaft vende të botës, sëmundje të ndryshme si diarreja apo infeksionet në rrugët e frymëmarrjes merren për shkak të duarve të palara dhe shkaktojnë viktima, veçanërisht mes fëmijëve.
Sipas ekspertëve, pastrimi i mirë i duarve redukton me 40% vdekshmërinë nga diarreja dhe me 23% sëmundjet e mushkërive, të cilat janë dy nga shkaktarët kryesorë të vdekshmërisë së fëmijëve të moshave 0-5 vjeç. Më poshtë gjeni hap pas hapi se si duhet të veproni për të larë mirë duart./tesheshi.com/
