Një foshnje ka lindur në shtetin amerikan të Teksasit, por dy herë.
Herën e parë, foshnja erdhi në botë pasi ultratingulli tregoi se kishte një tumor të madh.
“Gjasat për jetë ishin 50 me 50“, thotë e ëma Margaret Boemer.
“Tumori ka ndërprerë punën e zemrës së foshnjës”.
Mjekët i kanë rekomanduar Boemer të kryejë abortin, por dy specialistë kanë ardhur me një ide të veçantë: operacion të fetusit.
“Ishte një zgjedhje në mes opsionit që t’i lejohet tumorit të marrë trupin e saj, ose t’i jipet një shans foshnjës për të jetuar”, vazhdoi nëna.
Në javën e 23 të shtatzanisë së Margaret Boemer, mjekët sollën në këtë botë në mënyrë kirurgjike foshnjën LynLee, i hoqën një tumor që ishte pothuajse aq i madh sa vetë fetusi, dhe pastaj foshnja u kthye përsëri në mitër, në mënyrë që të vazhdojë të zhvillohet.
Dymbëdhjetë javë më vonë foshnja LynLee lindi përsëri, me prerje cezariane.
Ndërhyrja kirurgjikale në fetus ka qenë shumë e rrezikshëm, gjë që mund të çonte në lindjen e parakohshme, por edhe tek vdekja e fëmijës.
Një në 35.000 fetuse janë të prekur nga tumoret që kishte LynLee. /tesheshi.com/
