Policia e Vlorës arrestoi një shtetas, në banesën e të cilit u gjetën 66 kg kanabis, të ndarë në 14 pako. E veçanta e aksionit të policisë nuk ishte sasia e drogës së kapur, por vendi që shtetasi Ramiz Zeneli,48 vjeç, kishte zgjedhur për ta fshehur. Sikundër raporton policia, i arrestuari e kishte fshehur kanabisin në krevatin ku flinte.
“Operacioni policer është zhvilluar dhe finalizuar në lagjen ”28 Nëntori”, në katin e pestë të një pallati, në banesën e shtetasit Ramiz Zeneli, të cilit i janë gjendur dhe sekuestruar nga policia 14 pako të mbështjella me natriban, në brëndësi të tyre kishte lëndë narkotike Cannabis Sattiva, me peshë totale rreth 66 kilogramë”, thuhet në njoftimin e policisë./tesheshi.com/
