Presidenti turk Rexhep Tajip Erdogan urdhëroi ngrirjen e aseteve për dy sekretarë amerikanë, atë të Drejtësisë dhe Sigurisë.
“Po lëshoj një urdhër sot: t’u ngrijmë pronat apo pasuritë sekretarëve amerikanë të Drejtësisë dhe të Sigurisë në Turqi, nëse i kanë”, tha Erdogan, si përgjigje ndaj sanksioneve që Uashingtoni vuri për dy ministra turq.
E gjitha kjo përplasje mes dy poleve të politikës botërore, ka ardhur për shkak të rastit të priftit evangjelist amerikan Andrew Craig Brunson, të cilin Turqia po e mban të paraburgosur me akuzat për rol në grushtin e dështuar të shtetit dy vjet më parë, pasi thotë se është mik dhe aleat me klerikun Fetyllah Gylen.
“Ata që mendojnë se gjuha e kërcënimeve dhe vendimeve të pakuptimta mbi sanksionet për të detyruar Turqinë të bëjë hapa pas do ketë efekt. Amerika dhe Evropa nuk mund të përdorin Turqinë si material për politikat e tyre të brendshme”, tha Erdogan.
SHBA i kërkon Turqisë qa të lëshojë priftin, ndërkohë që nuk pranon ta esktradojë Gylenin, gjë të cilën Ankaraja ia kërkon këmbëngulësisht prej dy vjetësh. /tesheshi.com/
