Ka përfunduar dhe saga gati 3-vjeçare se kush do ta ndërtojë areoportin e Vlorës.
Ndërtuesi do jetë një konsorcium zviceran, në të cilin ështe dhe Mabetex-i Behgjet Pacollit.
Më saktë bëhet fjalë për fjalë për bashkimin e kompanive të regjistruara në Zvicër, Mabco Construction (Mabetex Group) (50%) me aksioner Behgjet Pacollin; YDA – Group (48%) kompania që po ndërton spitalin e Fierit dhe 2A Group SH.PK (2%) kompani kosovare, ku vlera e investimit është 103.966.030 euro.
“Baza e këtij konsorciumi është një kompani që ka flamurin shqiptar, që e ka Behgjet Pacolli, më vjen shumë mirë që ai po e merr këtë , se gjithmonë më ka thënë si s’mua dha mundësia të lë gjurmën time në Shqipëri të bëj diçka në Shqipëri”, theksoi Rama.
Sipas tij, “aeroportet sjellin jo vetëm punësim për ata që punojnë në aeroport, por sjellin punësim për gjithë hapësirën ku ata kanë ndikimin e tyre. Një aeroport sjell me vete shumë shërbime të reja.
Duke rritur fluksin e njerëzve që vijnë, nevojat që krijohen nga këto flukse, aeroportet sjellin hotele, shërbime bankare të reja, manifakturë, fabrika të reja, një zinxhir gjërash.
Është shkencërisht e provuar që çfarë investon në një aeroport ka një shumëfishim eksponencial. 1 euro e investuar në aeroport është minimumi 23 euro mbrapsht në ekonomi.
Një nga problemet që do të lindë do të jetë mungesa e krahut të punës, pasi kërkohen një numër zanatesh dhe një numër kategorish profesionale, që është marramendës.
Katër aeroporte për Shqipërinë janë vendosja e Shqipërisë në një nivel tjetër ekonomik e social. Bëhet realizimi i vizionit për të rinjtë dhe ata që punojnë.
Me këtë aeroport do të hapet një tjetër kanal zhvillimi shumë i rëndësishëm”, tha Rama, duke lajmëruar dhe për ndërtimin e areporteve në Sarandë dhe Korçë, plus ai i Kukësit që pritet të hapet së shpejti. /tesheshi.com/
