Historia që ka si protagoniste vogëlushen Moore Williams, është e jashtëzakonshme dhe e pashpjegueshme. Foshnja, nga Britania e Madhe, ka lindur me një sëmundje të trashëgueshme, që për një kohë të shkurtër, korrikun e kaluar, kishte arritur në fazën finale, duke mos i dhënë mundësi shpëtimi për jetën.
Sëmundja e saj kishte lënë pa shpresa prindërit dhe mjekët. Kur kishte ardhur vendimi për të stakuar makinerinë që ë mbante në jetë, pasi sëmundja i kishte prekur trurin, vajza kishte reaguar dhe ishte zgjuar në mënyrë të pashpjegueshme.
Tregimi i babait të foshnjes, është rrëqethës. “E mbaja në dorë, duke pritur frymëmarrjen e fundit të saj. Më pas filloi të lëvizë vetë pa ndihmën e respiratorëve”, ka thënë babai i foshnjes.
Tani vogëlushja është në gjendje të mirë, edhe pse duhet të marrë ilaçe që i vijnë në ndihmë të frymëmarrjes. /tesheshi.com/
