Është e vogël, por në fotografi duket mjaft e madhe. Mbi të gjitha në atë që ka hyrë në Librin e Rekordeve Guiness, në kategorinë “Largest human car image”.
Bëhet fjalë për Fiat 500, gjeneratën e re të sapolançuar të makinave, për të cilën kanë pozuar 328 persona nga parku Sempione në Milano të Italisë. Bëhet fjalë për një mozaik njerëzor rekord, i gjatë 15 metra dhe me të gjitha veçantitë e makinës.
Në Fiatin njerëzor nuk mungon asnjë pjesë e automobilit, përfshirë edhe rrotat, dritaret, pedalet dhe timonin.
Për sytë e gjykatësve të Guiness World Record, 328 personat, të cilët kanë qenë të ndaluar për 5 minuta, kanë thyer rekordin e mëparshëm të ‘fotografisë më të madhe njerëzore të një makine’. /tesheshi.com/
