Kryeministri serb Aleksandar Vuçiç ka dalë menjëherë në një deklaratë direkte në televizion sapo është kthyer nga Serbrenica, ku ndodhi një incident me disa të afërm të viktimave.
Vuçiç thërriti një mbledhje të jashtëzakonshme të qeverisë që kryeson dhe fill pas kësaj mbajti një konferencë për shtyp, ku shprehu keqardhjen për incidentin e ndodhur në Srebrenicë dhe këmbënguljen për të vazhduar politikën e paqes dhe fqinjësisë së mirë.
“Mua mu kërkua nga organizatorët që të mos flas në tubim, kërkesë të cilën unë respektuar. Unë kam qenë shumë i sjellshëm, edhe kam marrë mirëseardhje të ngrohtë nga nënat e të vrarëve. Por edhe nga kryetari i komunës së Serbrenicës zoti Durakoviç. Ne kemi vepruar me dinjitet dhe e kam përfaqësuar vendin tim siç do të t’i pëlqente kujdo që ta paraqesë Serbinë.
Kur arrita nuk kishte asnjë problem. Megjithatë, kur kam vizituar Memorialin filloi sulmi nga disa ekstremistë. Ata bërtisnin: “vrasje Vuçiç”, “vrasje çetnikëve” si dhe hodhën ndaj meje objekte të ndryshme.
Dua të falënderoj djemtë truproja të cilët me guxim të madh dhe me fytyrë vetëm një metër e gjysëm larg nga zona e rrezikut, u treguan të duruar.
Ndoshta faji ka qenë i imi pasi u kërkova të mbyllnin çadrat dhe fola me sulmuesit duke i pyetur pse e bëjnë këtë ndërkohë që unë kam ofruar pajtimin.
Por ky është thelbi i politikës sonë. Sulmi u evitua me shkathtësi. Unë jam i lumtur se ata nuk janë të organizuara nga familjet e viktimave. Çunat e sigurisë më kanë ruajtur më mirë, vetëm automjetet u dëmtuan. Në një moment një nga objektet më goditi syzet e mija që u thyen.
Edhe një herë shpreh keqardhje, ngaqë diçka e tillë ka ndodhur. Dora e kombit serb mbetet e shtrirë. Unë do të vazhdoj me këtë politikë. Budallenj ka në çdo komb, as nuk kemi në mungesë nga kjo kategori. Shumica e boshnjakëve nuk pajtohen me këtë sjellje. Ky nuk ishte një incident, por një sulm të organizuar. Unë u bëj thirrje serbëve dhe të gjithë qytetarët e tjerë të Serbisë që të jenë krenar dhe të ecin me kokën lart si kam ecur unë sot në Srebrenicës.
Për mua boshnjakët duhet të jetojnë së bashku në të ardhmen. Mjaft me të vdekur, inat, dhe unë nuk do të flas për ata politikanë të cilët kanë nevojë për të organizuar ngjarje të tilla.
Kur erdhi Rama në Beograd nuk iu prek asnjë fije floku edhe pse organizoi incidentin me dron. Unë jam krenar për Serbinë civilizuar.
Fqinjët, miqtë boshnjakë unë ju ofroj dorën time sinqerisht, dhe mos u shqetësoni për keqbërës të cilët janë në këtë pjesë, pasi ka kudo. Serbët dhe boshnjakët në Serbi jetojnë në mënyrën më të mirë për njëri-tjetrin. Njerëzit në Republikën Srbska nuk duhet të ndjehen të turpëruar. Edhe një herë faleminderit të rinjve të cilët kanë rrezikuar jetën e tyre sot. Faleminderit dhe forcave speciale nga Republika Serbska të cilët më kanë ndihmuar duke vënë në rrezik edhe jetën e tyre. Unë besoj se miqtë e Bosnjë-Hercegovinës të pranojnë dorën time të shtrirë. Unë dua t’i them dhe Bakir Izetbegoviçit se kur të vizitojë Serbinë nuk do t’i ndodhë një gjë e tillë.
/tesheshi.com/
