Me rastin e Ditës Ndërkombëtare për të Drejtat e Fëmijëve, shoqata ndërkombëtare ka publikuar raportin me të dhënat vjetore në lidhje me të drejtat e fëmijëve dhe gjendjen e tyre në Itali.
Të dhënat janë shumë shqetësuese: fëmijët e katër familjeve në dhjetë vuajnë nga të ftohtit pasi prindërit e tyre nuk mund t’u sigurojnë rroba të përshtatshme apo ngrohje. Një në katër fëmijë jeton në një apartament me lagështi dhe që pikon, e një në dhjetë jetojnë në banesa ku nuk ka dritë (pra në katet e nëndheshme).
Më shumë se një fëmijë në 20 nuk merr as edhe një vakt të pasur me proteina dhe nuk ka as të paktën një lodër në shtëpi për të luajtur. Një në dhjetë fëmijë nuk ka mundësi të blejë rroba të reja dhe një fëmijë në tre nuk mund të marrë pjesë në ekskursionet shkollore sepse nuk përballon dot shpenzimet. Në veri të Italisë fëmijët e huaj përbëjnë 41 % të popullsisë së varfër.
Nga fillim të janarit 2015, deri më 30 shtator të 2016, 50 mijë fëmijë janë pajisur me ndihma që ndoshta nuk ua ka përmisuar jetën, por të paktën u ka dhuruar një mundësi më tepër. /tesheshi.com/
