Leland Shoemake është një fëmijë i moshës 6 vjeçare, i cili ka ndërruar jetë disa ditë më parë në Shtetet e Bashkuara të Amerikës. Ai ishte diagnostikuar më një infeksion të rrallë, kundër së cilit nuk kanë mundur të fitojnë mjekët.
I vogli ka treguar se ka një zemër të madhe, duke u lënë një mesazh prindërve të tij përpara se të ndërronte jetë. Leland u ka shkruar të ëmës dhe të atit se do të ishte me ta, duke i falënderuar për kujdesin që i kanë dhënë. Një letër e lënë në sallën e familjes Shoemake, është bërë menjëherë virale. Dhjetëra dhe mijëra pëlqime e shpërndarje që janë bërë gjatë kohëve të fundit, nuk mund t’i japin kënaqësinë dhe dashurinë e fëmijës së larguar nga kjo jetë, familjarëve.
Leland ndërroi jetë në moshën 6 vjeçare, për shkak të një infeksioni të rrallë që me shumë mundësi e ka marrë ndërsa ka qenë duke luajtur në ambientet jashtë shtëpisë së tij me moshatarët. Bëhet fjalë për një patologji të identifikuar vetëm disa ditë përpara se ai të ndërronte jetë, e cila avancoi brenda shumë pak kohësh. Për të kuruar fëmijën, familja Shoemake ka hapur një faqe në Facebook dhe një sajt ku mund të dhuronte kushdo të holla, në mënyrë që të përballoheshin shpenzimet. Mjekimet për kurimin e infeksionit të shkaktuar nga ameba Balamuthia mandrillaris ishin shumë të shtrenjta e për fat të keq, nuk kanë dhënë rezultat.
Mesazhi përmban një zemër në brendësi të së cilës është shkruar “mami dhe babi’, bashkë me një ‘faleminderit’ të madhe, të lënë nga fëmija për prindërit e tij. Siç raporton ‘Giornalettismo”, një mesazh i tërë dashurie që e ëma, Amber ka shpërndarë në faqen e saj të Facebook “Një lutje për Leland”, shkruan ajo, ndërsa fotoja është shpërndarë disa qindra herë./tesheshi.com/
