Ditët e fundit të dhjetorit nisin e “lënë pa gjumë” ata që presin merkaton e janarit në futboll. Interi i Milanos që ka suprizuar shumicën e opinionit, synon të tejkalojë veten dhe pritshmëritë e të rradhitet mes pretendentëve për fitimin e titullit. Zikaltërit janë të kënaqur me mbrojtjen, janë të qetë me Ikardin në sulm, e po mendojnë të forcojnë mesfushën, vecanërisht atë të avancuar.
Një emër i ri që “doli” nga mediat britanike, ishte ai i Henrik Mkhitaryan. Armeni që shikon t’i mbyllet dera para syve nga trajneri Mourinho tek Mancester United, është shprehur publikisht se kërkon të ndërrojë ambjent dhe Interi ka nisur kontaktet me të.
Por gjatë ditës së martë, po nga Britania e Madhe, flitet se Mourinho do ta përfshihë Mkhitaryan në “bursën” e merkatos, pasi synon t’ia propozojë Juventusit, për t’i marrë mbrojtësin e majtë Alex Sandro. Nga ana tjetër, edhe bardh e zinjtë e ndiejnë nevojën e një play-maker-i që të lidhë “muskujt” e mesfushës me “trurin” e sulmit.
Në këtë mënyrë, torinezët sikur e kanë tërhequr disi Alex Sandro nga fokusi insistues i Chelasea-t, për të parë mundësinë e shkëmbimit me Mancester United. Lëvizje e plane, strategji e oferta…me të gjitha këto duhet të mësohemi, sepse merkato e janarit, është fare afër. /tesheshi.com/
