Presidenti turk Erdogan komentoi dhe njëherë presionin amerikan mbi Turqinë për të mos blerë sistemin rus të mbrojtjes ajrore S-400.
“Çështja e blerjes së sistemin S-400 nuk ka lidhje as me NATO-s, as me projektin F-35 dhe as me sigurinë e SHBA-ve. Këtë e dinë mirë ata që e njohin këtë çështje”, tha Erdogan gjatë një fjalimi në qytetin lindor Diyarbakir, duke vijuar të arsyetojë se “çështja nuk është S-400, por sepse Turqia po vepron me vullnetin e saj në lidhje me zhvillimet në rajonin e saj, kryesisht në Siri.
Fatkeqësisht dëshiroj të shpreh se ka edhe disa qarqe në vendin tonë që dikush qartazi dhe dikush në fshehtësi ofrojnë mbështetje kundër erërave që fryjnë ndaj nesh.
Por, çfarëdo që të bëjnë, përpjekjet e tyre janë të kota.”, theksoi lideri turk. /tesheshi.com/
