Auto Dak
Auto Dak
Auto Dak

PARALAJMËRIMI/ Erdogan hedh paralele mes Izraelit dhe Nago-Karabakut

Në një mesazh të fundit mbi zhvillimet në Jeruzalem, presidenti turk Erdogan sulmoi ashpër ato shtete që heshtin për Izraelin, duke e quajtur këtë të fundit si “shtet terrorist”.

“Ne kundërshtojmë me të njëjtën vendosmëri ata që ngrenë dorën kundër Al-Aqsa sot, ashtu siç kemi treguar kur nuk lejuam një përpjekje për të krijuar një korridor terrorist përgjatë kufirit tonë me Sirinë.

 Eshtë detyra e të gjithë njerëzimit të kundërshtojë agresioni i Izraelit kundër qyteteve palestineze dhe Al-Quds-it.

Ata që heshtin ose haptas prapa gjakderdhjes nga Izraeli duhet ta dinë se një ditë do të vijë radha e tyre, dhe se shteti terrorist ka kapërcyer të gjithë kufijtë duke plaçkitur paturpësisht një qytet musliman, të krishterë dhe hebre.

Ne i bëjmë thirrje të gjitha vendeve dhe institucioneve të reagojnë, pavarësisht nga identifikimi i tyre fetar ose ndonjë tjetër”, tha Erdogan.

Erdogan tha se Turqia është e trishtuar dhe e zemëruar për sulmet që Izraeli, si një shtet terrorist, po kryen ndaj fëmijëve, grave dhe të moshuarve të pafajshëm palestinez.

Ai gjithashtu tha se Turqia i trajton krimet në Palestinë me të njëjtin kujdes siç tregoi gjatë luftës së Azerbajxhanit për çlirimin e territoreve të okupuara në Nago-Karabak.

“Ne nuk do të pranojmë krimet e Izraelit, ashtu siç nuk lejuam ndarjen e Libisë, ashtu si nuk e harruam Somalinë kur të gjithë e bënë atë, ashtu siç nuk pranuam aneksimin e Krimesë dhe ashtu siç ngritëm zërin kundër mizorive në Bosnjë,” tha ai.

Presidenti turk tha gjithashtu se Organizata e Bashkëpunimit Islamik (OIC) do të mohonte ekzistencën e saj nëse nuk do të merrte urgjentisht një qëndrim konkret dhe efektiv kundër sulmeve izraelite në Palestinë.

 “Këshilli i Sigurimit i Kombeve të Bashkuara duhet të ndërmarrë hapa drejt paqes dhe sigurisë urgjente në Al-Kuds në përputhje me vendimin e Asamblesë së Përgjithshme,” tha Erdogan, duke shtuar se Turqia ishte e gatshme të mbështeste në mënyrë aktive çdo iniciativë të KB dhe të merrte përgjegjësinë për paqen. /tesheshi.com/

auto pjese dak

Related posts