Mediat i kanë bërë jehonë delarimeve të një prej eksponentëve më të njohur të PD-së, ish-ministrit të Drejtësië dhe njëherësh ish-deputetit demokrat, Enkelejd Alibeaj. Në këto deklarime, Alibeaj kritikon rëndë skemën e zgjedhur të partisë së tij për të bërë politikë, kur thotë se:
“Stili i të bërit politikë, në opozitë, është i vështirë të shmanget nga prirja e përgjithshme të kundërshtuarit të aksionit të mazhorancës, e cila është më shumë instiktive sesa racionale. Ka qenë historikisht kështu.
Ndoshta një qasje rishtare do të ishte ajo kur një opozitë, përveçse të kundërshtonte pozitën, të mund të artikulonte paralelisht një ofertë politike apo ideore të re mbi qeverisjen apo edhe për çdo aksion tjetër politik të mazhorancës. Gjithsesi, kjo mund të bëhet brenda hapësirave që mundëson emancipimi politik i shoqërisë dhe nëse mazhoranca nuk krijon skandale kaq të shpeshta sa kjo aktualja.
Kështu që në njëfarë mënyre, stili opozitar ngelet ai i thjesht demaskimit të mazhorancës. Zgjedhjet e pritshme të qershorit janë një test i parë i rëndësishëm, në bazë të të cilit do kihet në dorë edhe mjeti për të vlerësuar performance”, thotë Alibeaj.
Ditë më parë, Alibeaj refuzoi të merrte përsipër drejtimin e fushatës elektorale në një zonë të caktuar, duke iu kundërvënë kështu zgjedhjes së bërë për të nga kryetari Basha. E parë kjo si shenjë rebelimi ndaj “shefit”, që siç shihet, po ngre krye dhe në rastin e këtij prononcimi. /tesheshi.com/
