Emigrantët shqiptarë në Greqi kanë tërhequr masiisht paratë bankat greke para se të mbyllen ndërsa tani kanë ngecur dhe kanë kthyer fëmijët në Shqipëri.
Këtë e ka bërë të ditur gazetari Robert Goro, duke folur për ora nevvs. Duke bërë një përshkrim të situatës, Goro tha se “vazhdon pasiguria e madhe. Një pjesë e shqiptarëve i kanë tërhequr paratë. Ndërsa një pjesë e tyre, të frikësuar se mos situata përshkallëzohet pas referendumit, po i dërgojnë fëmijët në Shqipëri. Të gjithë skenarët janë të mundshëm, por mendohet se do të dominojnë skenarët pozitivë. Edhe në rast se referendumi do të mbyllet me “JO”, kriza vetëm do të shtyhet dhe nuk do të mbyllet, ka shpjeguar Goro.
Referendumi ka futur një përçarje të madhe mes qytetarëve grekë dhe ky është çmimi më i madh që do të paguajë Greqia pavarësisht rezultatit të referendumit.
Ajo që është shqetësuese, është angazhimi i qeverisë greke për të mbrojtur “JO”-në në referendum. Po përdoret gjithë struktura qeveritare në favor të qëndrimit të Syriza-s në referendum”, ka deklaruar Goro.
Një sondazh i fundit ka treguar se do të dominojë përgjigjia “Po” për Greqinë në zonën e Euros dhe BE-së”. /tesheshi.com/
