Kreu i Komisionit Europian, Jean-Claude Juncker, i tha Dojçe Vele-s se ka ardhur koha për një emigracion ilegal drejt BE-së. Duke e paraqitur gjendjen e emigracionit jo-legal, atë që shoqërohet pothuajse çdo javë me tragjedi detare, të cilën Juncker e cilëson dhe si “tregti me skllevër”, diplomati i Brukselit thotë se zgjidhja ekziston.
“Që nga viti 2014, në kohën e luftës elektorale për zgjedhjet europiane dhe në fjalimin tim në Parlamentin Europian, unë gjithmonë kam bërë thirrje për migracionin legal. Unë besoj, që ne pa rrugë legale migracioni për në Europë dhe brenda saj jemi të humbur. Nëse, ata që vijnë këtu në mënyrë jo fatlume nuk lejohen të hyjnë nga dera në shtëpinë e Europës, atëherë ata do të vazhdojnë të futen përmes rrugëve të tërthorta. Ndaj ne kemi nevojë për rrugë legale dhe Komisioni ndërkohë ka bërë propozimet. Europa siç po duket ka një nevojë të madhe për migracionin në dekadat e ardhëshme. Ndaj ne duhet t’u mundësojmë rrugë legale atyre që duan dhe mund të vijnë këtu”, tha kreu i KE-së.
Deklarata e tij vjen dy ditë pas një tragjedie në ujrat libiane, ku pas përmbysjes së barke, humbën jetën mbi 30 njerëz, kryesisht gra e fëmijë, që thuhet se u sulmuan nga peshkaqenët sapo ranë në ujra. /tesheshi.com/
