Arsene Wenger nuk po del të jetë edhe aq i dështuar, ashtu siç e kishte përshkruar homologu i tij Jose Mourinho. Francezi me skuadrën e tij Arsenal ka mposhtur të vetëquajturin “i veçanti” në SuperKupën e Anglisë. Topçinjtë duhet t`i falen golit të Chamberlain, në minutën e 24-të të takimit.
Kjo nuk ishte një humbje e lehtë për Jose Mourinhon që ka kritikuar ashpër rivalin e tij Arsene Wenger që është gjithmonë në pritje të suksesit. Ai më në fund erdhi dhe pikërisht kundër njeriut që nuk dinte për humbje ndaj rivalit, Arsenal.
Pas ndeshjes dy trajnerët refuzuan t`i japin dorën njëri-tjetrit duke lënë kështu ende të hapur frontin e luftës e cila duket se është ashpërsuar edhe më shumë. Një gjë tashmë është e sigurtë, edicioni i ri i Premier Ligës Angleze do të jetë më i nxehtë se kurrë. /tesheshi.com/
