Gjermania i ka shitur armë vendeve të Gjirit Arabik, Izraelit dhe Egjiptit, pasi pajisjet ushtarake gjermane po pëlqehen gjithnjë e Më shumë nga këto vende.
Dhe në fakt, nuk mund të bëhesh fuqi globale nëse nuk merr pjesë në tregun ndërkombëtar të armatimeve. Siç bën të ditur revista prestigjoze gjermane Der Spiegel, gjatë epokës “Merkel”, eksporti i armëve dhe pajisjeve ushtarake është rritur ndër vite edhe pse ka pasur oponencë nga partitë liberale dhe të majta.
Ish-ministri i jashtëm, aleati i zonjës Merkel, Guido Westervlle kundërshtoi shtimin e eksporteve kryesisht tek regjimet e cilësuara “autokratike”. Vetëm për gjashtë muajt e parë të vitit 2015 bëhet fjalë për një gamë shitjesh që kapin shifrën e 6 miliardë e gjysëm eurove.
Ministri socialdemokrat i Ekonomisë, Sigmar Gabriel, ishte angazhuar në gusht 2014 që të analizonte më në thellësi eksportimin e armëve. “Të shesësh armë jashtë vendit, është njësoj si të bësh tregti me vdekjen”, kishte kritikuar ai. Po kush janë armët që Gjermania i ka shitur vendeve të Gjirit Arabik dhe shteteve të tjera të rajonit?
Tanku i famshëm Leopard është një nga dy tanket e kërkuara më shumë në botë. Arabia Saudite është një nga klientët më të pëlqyer të këtij armatimi. Riadi ka shfaqur gatishmërinë të blejë qindra tanke të tillë.
Në vitin 2014 prezantimi i tankut Leopard 2A4 prodhuar nga kompania e armatimit me qendër në në Mynih Krauss-Maffei Wegmann, solli një rritje të madhe të kërkesës.
Berlini ka rritur shitjen e armëve për të ashtuquajtura “vende të treta” në vitet e fundit, që do të thotë as vende të NATO-s e as vende të Bashkimit Europian. Krauss-Maffei Wegmann hapi një panair gjigand ku prodhimet e saj u futën në listat e kontratave të Berlinit zyrtar.
Transportuesi i blinduar “Boxer” është provuar me sukses në Afganistan. Arabia Saudite kërkon të blejë qindra të tilla dhe shumë nga politikanët gjermanë janë të shqetësuar se po bëhet tregti me një vend jo demokratik. Javën e kaluar zyrtarë sauditë dhe gjermanë kanë diskutuar në një takim sekret në lidhje me marrëveshjen për blerjen e “Boxer”.
Kjo marrëveshje përfshin shifra në disa miliarda euro për industrinë gjermane të luftës.
Kjo nëndetëse e prodhimit gjerman, një markë shumë e avancuar klasi e emërtuar “Delfin”, u ble nga Izraeli në Qershor.
Izraeli u bë “ziliqar” pasi Egjipti bleu dy nëndetëse të tilla nga Gjermania dhe menjëherë bëri porosinë. Pas shpërthimit të “Pranverës Arabe” negociatat mes Berlinit dhe izraelitëve kanë shkuar më mirë.
/tesheshi.com/ Përgatiti Y.P
