Erjon Veliaj ka dërguar sot pajisjet e zyrës së re të kreut të bashkisë së Tiranës, ndërsa e ka lyer vendin e punës të ndërtuar nga Edi Rama 13 vjet më parë.
Veliaj ka ndryshuar sfondin blu dhe krem të Bashës me portokalli të mbyllur, ngjyrë në të cilën ka zgjedhur dhe tapicerinë.
Tradita e ndryshimit të zyrës u vendos nga Basha, i cilli ka përmbysur dizajnimin e bërë nga kryebashkiaku i atëbotshëm Edi Rama, ku mbizotëronte ngjyra vishnje dhe një patinim venecian modern. Basha e prishi duke e lyer në bojë qielli të hapur dhe zgjodhi tapicerinë me stil neoklasik.
Ndërkaq, Veliaj, neser betohet dhe nis zyrtarisht detyrën si kryetar i Bashkisë së Tiranës. Administrata “Veliaj” do të funksionojë me tre nënkryetarë, përfaqësues të tre nga partitë e koalicionit fitues në zgjedhjet e 21 qershorit.
Ndërkohë që Lëvizja Socialiste për Integrim ka bërë publik emrin e Brunilda Paskalit si një nga nënkryetaret e Bashkisë së Tiranës, aktualisht zv.ministre e Zhvillimit Ekonomik, Turizmit, Tregtisë dhe Sipërmarrjes, Fryma e Re Demokratike, aleati më i ri i PS- së në këto zgjedhje do të jetë prezent me Andi Seferin në postin e nënkryetarit të Bashkisë.
Arbër Mazniku, i cili aktualisht vazhdon detyrën si zv.ministër i Arsimit është i treti njeri që do të rreshtohet në krah të Erion Veliajt, me postin e nënkryetarit të tretë të Bashkisë.
Dhe ndërsa emrat e mësipërm janë të konfirmuar nga burimet partiake dhe konfidenciale lidhur më kokën drejtuese të Këshillit Bashkiak, si kryetarë të mundshëm përflitet Aldrin Dalipi ose Elisa Spiropali, që të dy pjesë e strukturave të Partisë Socialiste. Si nënkryetare e Këshillit Bashkiak do jetë Vjollca Braho e PDIU-së.
/tesheshi.com/
