“Nuk ka Beit Lahia, nuk ka Beit Hanoun, dhe tani edhe Jabaliya po zhduket. Ajo që po ndodh tani është pastrimi i tokës nga arabët dhe krijimi i vendbanimeve hebreje si pjesë e procesit të spastrimit etnik”.
Kështu deklaroi Moshe Ya’alon, ish-ministër izraelit i Mbrojtjes dhe anëtar i partisë Likud të Netanyahut.
Ky është pranimi ose deklarata e parë nga një figurë e lartë e sigurisë izraelite, në të kaluarën apo të tashmen, se ajo që Izraeli po bën në Rripin e Gazës përbën spastrim etnik.
Moshe Ya’alon fillimisht pohoi se qeveria aktuale izraelite po e tërheq zvarrë Izraelin në rrugën e spastrimit etnik në Rripin e Gazës, gjë që do të çojë në shkatërrimin e tij.
“Rruga në të cilën po tërhiqemi është pushtimi, aneksimi dhe spastrimi etnik në Rripin e Gazës,” i tha Demokratic TV, kritik i njohur i qeverisë.
“Ai që dëshiron të na ngatërrojë është ai që aktualisht po na çon drejt shkatërrimit,” thotë ai.
Gazetarja Lucy Aharish përgjigjet se Ya’alon përdor një gjuhë të papritur me frazën “spastrim etnik”.
“Spastrimi etnik në Rripin e Gazës, a mendoni se jemi në atë rrugë atje?”, pyet ajo.
Ya’alon përgjigjet: “Çfarë po ndodh atje? Nuk ka Beit Lahia, nuk ka Beit Hanoun, ata po punojnë gjithashtu në Jabalia tani dhe në thelb po pastrojnë zonën nga arabët.” /tesheshi.com/
Former Defense Minister Moshe "Bogie" Ya’alon sparked controversy during an interview with Lucy Aharish on DemocratTV on Saturday, stating, “We are being dragged into annexation and ethnic cleansing in the Gaza Strip.” Ya’alon criticized the current leadership, mentioning the… pic.twitter.com/F5Rx3QuhVW
— Translating Falasteen (Palestine) (@translatingpal) November 30, 2024
