Askush nuk e kishte menduar. Ashtu siç një natë më parë në “Anfield”, ku Liverpool çnderoi Barcelonën 4-0, në Amsterdam Tottenham ka bërë historinë duke mundur Ajaxin e frikshëm 2-3.
Çmenduria ndodhi në pjesën e dytë, ku londinezët shënuar tre herë, pas një disavantazhi prej dy golash në pjesën e parë.
Ajax vinte me fitore nga takimi i parë e plus 2 gola, të jepte ndjesinë e sigurt se do jenë hollandezët finalistët e Champions-it. Por anglezët, me këmbët e brazilianit Lucas kanë bërë mrekullinë duke përmbysur gjithçka në pjesën e dytë.
Më dramatike ishin sekondat e fundit të një shtese prej 5 minutash, pasi goli i tretë, ai që ndau me thikë fituesin, duke e kaluar në pak sekonda nga njëri krah në tjetrin, u shënua pikërisht pak pasi duhet të dëgjohej fërshëllima e arbitrit.
Tashmë, finalja e Champions-it do të flasë anglisht: Liverpool përballë Tottenham, ardhur nga dy gjysëmfinalet, ndoshta më të çmendura në historinë e këtij kompeticioni. /tesheshi.com/
