Në klubin e Milanit është ndjerë shqetësim i madh për rezultatet “skarco” të skuadrës.
Humbja me Lacion, por sidomos ajo me Sampdorian fundjavën e shkuar, kanë bërë drejtuesit të shohin alternativa për trajnerin Montela.
Në krye të preferencave është vënë gjermani Tomas Tushel. Ish-trajneri i Mainz, që e nxorri këtë skuadër në Europa League e më pas i dha Borusias së Dordmundit superkupën, shihet si shumë i përshtatshëm për projektin e Milanit, që kërkon frymë fituese, pas shpenzimeve të mëdha që bënë në merkaton e verës.
Por Tushel nuk është i vetmi objektiv i Milanit. Portugezi Paolo Soza shihet gjithashtu me sy të mire dhe mund të jetë i përshtatshmi, pasi është pa skuadër momentalisht.
Përvec kësaj, portugezi është parë si trajner me personalitet dhe me koncept që i përshtatet filozofisë së kuqezinjve. Një gjë është e sigurtë: nëse Montela nuk arrin rezultate në ndeshjet me Romën dhe Interin, me shumë gjasa aventura e tij me Milanin përfundon. /tesheshi.com/
